Karelia farin av Fuglafirði

Mest umrødda skipið í Føroyum seinasta samdøgrið, russiski trolarin Karelia, fór frá bryggju í Fuglafirði fyri løtu síðani, og er á veg norð gjøgnum Djúpini.

Tað var í gjár, at ein maður umborð fekk staðfest koronasmittuna, og síðani eru tilsamans 23 tilburðir staðfestir millum manningina.

Skipið hevur ligið á Ánunum seinastu dagarnar, men fór seinnapartin í dag til Fuglafjarðar at bunkra áðrenn tað sambært Heilsumálaráðnum skal til fiskiskap.

Bara 30 av manningini, sum telur 77, er kannað fyri koronasmittu, og 23 av teimum høvdu smittuna.