Kanna til bíðirøðin er burtur

Nógv vilja lata seg kanna fyri koronasmittuna, nú nýggir tilburðir eru staðfestir í Føroyum. Á Landssjúkrahúsinum hava tey sett fleiri fólk at pota.

- Okkara potarar arbeiða av øllum alvi at fáa kannað øll so skjótt til ber og hildið verður á til bíðirøðin er burtur, siga tey á Landssjúkrahúsinum.

(Mynd: Landssjúkrahúsið)

Í allan morgun hevur bíðirøðin verið allan vegin eftir Velbastaðvegnum niðan móti kirkjugarðinum.

Tey minna á ávísingina frá kommunulækna, áðrenn ein stillar seg í kø.