Juli er romantiskari enn hinir

Hagstova Føroya er í dag úti við einum hugnaligari uppslagi á teirra Facebook-vanga. 

Har verður nevniliga sagt, at juli er mest romantiski mánaði í árinum. Hetta kemst av tí, at 21% av teimum, sum velja at giftast, velja at gifta seg í juli mánaða. 

Hagstova Føroya skrivar, at seinastu 30 árini hevur fimta hvør vígslu verið í juli, og var hetta eisini galdandi í fjør. 

Sambært Hagstovuni, so eru august og desember næst- og triðbest umtóktir, meðan januar og februar hinvegin eru minst umtóktu mánaðirnir at giftast í.

Her sæst uppslagið hjá Hagstovu Føroya.

Myndin, ið Hagstova Føroya deildi á uppslagi sínum. (Mynd: Hagstova Føroya)