Jákup Pauli Johansen 50 ára starvsdag á Posta

Í dag hevur verið hátíðarhildið, at Jákup Pauli Johansen hevur verið í starvi sum postboð á Posta í heili 50 ár.

Í sambandi við stóra dagin hevur Jákup Pauli fingið heiðurstekin frá kongi, Den Kongelige Belønningsmedalje, sum viðurkenning fyri trúgva tænastu.

- Jákup Pauli Johansen byrjaði sum postboð í 1976, tá nógvur postur varð borin út til gongu, og hann var tá bert 17 ára gamal. Í dag kennir hann hvønn ein postkassa í Stremoynni og ger eitt framúr arbeiði óansæð veður og vind. Hvønn dag í árinum, sigur Posta.

- Posta takkar Jákupi Paula fyri øll árini, fyri ídni og tað arbeiði sum hann hevur gjørt, og framvegis ger fyri viðskiftafólk, og ynskir honum hjartaliga til lukku við heiðrinum.