Jákup E. Petersen sóknarprestur á Tvøroyri

Landsstýrismaðurin í Mentamálaráðnum, Bárður á Lakjuni, hevur útnevnt Jákup Erlingsson Petersen sum sóknarprest í Suðuroyar norðara prestagjaldi.

Jákup varð prestvígdur í januar 2018, tá ið hann gjørdist vikarur í Suðurstreymoyar vestara prestagjaldi í nakrar mánaðir. Í september 2019 tók hann við kallinum sum kirkjubókaførandi sóknarprestur í Norðstreymoyar eystara prestagjaldi við sæti í Hvalvík.

Jákup byrjar í nýggja embætinum tann 1. august. Roknast kann við innsetingargudstænastu, tá ið farið er um hálvan august, skrivar heimasíðan hjá Fólkakirkjuni.