Hvítur roykur í Rom

Minst 89 av teimum 133 kardinalunum eru vorðnir samdir, og hava valt nýggjan páva fyri Frans páva, sum doyði páska morgun.

Seinasta samdøgrið hava nógv fólk verið savnað á Pætursplássinum í Rom og hava bíðað eftir, at kardinalarnir skulu velja nýggjan páva.

Fleiri atkvøðugreiðslur hava verið og nakrar ferðir er svartur roykur komin úr skorsteininum á Sixtinska Kapellinum. Í kvøld kom hvítur roykur í skorsteinum.

Navnið á nýggja pávanum verður alment seinni tá ovasti kardinalurin sigur orðini "Habemus papam!", sum er latínskt fyri "Vit hava ein páva".

Sonevnda konklavan byrjaði í gjárkvøldið, tá hurðarnar til Sixtinska kapellið vórðu latnar aftur.

(Mynd: EPA)

(Mynd: EPA)