Ari av Rana
Kinesiski tøknirisin Huawei hevur revsa tvey starvsfólk, tí at hesi vóru óansin, tá tey skrivaðu eini boð á Twitter við almenna brúkaranum hjá Huawei. Starvsfólkið ansaði ikki eftir, at tað sást, at tey skrivaðu boðini við eini iPhone.
Huawei sigur við Reuters, at starvsfólkini hava veitt skaða á brandið hjá Huawei, tá tað sást á boðunum, at boðini vóru skrivaði við eini iPhone, sum Apple framleiðir. Apple er størsti kappingarneytin hjá Huawei.
- Gott #2019 frá okkum øllum í Huawei. Okkara nýggjársynski hetta nýggjárið er at geva tær fleiri orsøkir til at halda samband við tey tú ert góður við, stendur í boðunum á Twitter.
Men tá tú skrivar á Twitter við eini telefon, stendur hvat merki telefonin er. Og undir boðunum stóð “via Twitter til iPhone”.
Huawei sigur, at mistakið hendi, tá marknaðardeildin hevði trupulleikar við netinum í samband við nýggjárið. Tí var neyðugt at brúka eina iPhone fyri at fáa boðini út, meðan nýggjár enn var.
Tey, sum sendu boðini eru sett í lægri starv, við eini løn, sum er 4500 kr. minni enn áður. Tann eini, stjórin fyri talgilda marknaðarføring, hevur eisini fingið sína løn fastfrysta í 12 mánaðir.
That was fast pic.twitter.com/y6k0FJF7Gq
— Marques Brownlee (@MKBHD) January 1, 2019
Vinarliga broyt tínar kennifíla - og privatlívsstillingar fyri at síggja hetta innihald