Alda Nielsdóttir
Pólska løgreglan sigur seg hava fingið kunning um møguligar ætlanir um at drepa pólska forsætisráðharran, Donald Tusk og pólska verjumálaráðharran og varaforsætisráðharran, Wladyslaw Kosiniak-Kamysz, og ein maður í 60unum er handtikin.
Tað var pólska trygdartænastan SOP, sum kunnaði løgregluna um møguligu drápsætlanirnar, upplýsir talsfólk fyri pólska innlendismálaráðið.
Hvussu ætlanin var at drepa Tusk og Kosiniak-Kamysz er ógreitt, skriva Ritzau og Reuters.
Harðligur kriminalitetur er sjáldsamur í Póllandi, men í august varð ein 23 ára gamal maður handtikin og skuldsettur fyri at hava eggjað til dráp á pólskar politikkarar.
Tusk hevur eisini sagt, at hann hevur fingið hóttanir í kjalarvørrinum á drápsroyndini móti slovakiska forsætisráðharranum Robert Fico í 2024.
Í farnu viku vóru eisini fleiri kníválop á pólskum skúlum.
Les eisini: Trý kníválop á pólskum skúlum seinastu dagarnar
Vinarliga broyt tínar kennifíla - og privatlívsstillingar fyri at síggja hetta innihald