Fyrsta altjóða familjuguðstænastan verður 2. hvítusunnudag í Klaksvík

2. hvítusunnudag, mánadagin 24/5, klokkan 14 byrjar tann fyrsta sokallaða altjóða familjuguðstænastan, har alt gongur fyri seg á enskum.

Hetta skrivar Fólkakirkjan á heimasíðu sínari

Guðstænastan verður í Klaksvík, og tað er við Marjuni Lómaklett. Hon byrjaði í starvinum sum integratiónsprestur 1. februar, og síðani hevur Marjun sett seg meira inn í tilflytaraumhvørvi.

Guðstænastan er fyrst og fremst ætlað familjum, ið ikki hava føroyskan uppruna. Fleiri slíkar verða kring landið í næstum.