Fýra nýggir smittutilburðir staðfestir

Fýra nýggir smittutilburðir vórðu staðfestir í gjár, vísa nýggjastu tølini hjá Landslæknanum.

Teir fýra persónarnir eru smittaðir í Føroyum, og øll eru partur av somu smittuketu, sum Landslæknin kennir til. Tey smittaðu eru avbyrgd, og Landslæknin er í gongd við smittusporingina, skrivar Heilsumálaráðið.

Í gjár vórðu 657 kanningar gjørdar, og allar kanningarnar eru liðugt greinaðar. Tilsamans eru nú 129.942 kanningar gjørdar.

Tilsamans hava 467 persónar nú fingið staðfest koronasmittuna í Føroyum, og av teimum eru 429 persónar staðfestir frískir aftur. Sostatt eru 38 persónar smittaðir í løtuni.

Eingin er innlagdur á Sjúkrahúsverki Føroya í samband við koronasmittuna. 223 persónar eru í sóttarhaldi.