Frakland bannar nýtslu av fartelefon í skúlanum

Mánadagin varð forboð móti nýtslu av fartelefon í skúlunum samtykt í Fraklandi.

Hetta kom ikki óvart á fólk, tí franski mentamálaráðharrin, Jean-Michel Blanquer boðaði nevniliga frá stutt fyri jól, at franska stýrið ætlaði at banna fartelefonir í fronsku skúlunum.

"Ætla vit at banna fartelefonir í fólkaskúlunum? Svarið er ja," segði hann tá, sambært DR.

Tað er longu bannað at hava fartelefonina frammi í tímunum í fronsku fólkaskúlunum, og fleiri skúlar hava longu bannað nýtslu av fartelefonum fullkomiliga.

Nýggja bannið kemur eftir ætlan í gildi eftir summarfrítíðina.