Fór á rull og rendi á hús

Um middagsleitið í gjár var eitt heldur óvanligt óhapp í Runavík.

Talan var um ein bilførara, sum hevði parkerað bilin men, eftir øllum at døma, ikki trekt hondbremsuna. Bilurin fór tí á rull og endaði við at koyra inn í eini hús hinumegin vegin.

Fasadan á húsinum fekk nakað av skaða, men eingin fólkaskaði stóðst tó av hesum, sigur vaktleiðarin á politistøðini.

Eigarin av bilinum fær eina bót fyri ikki at hava tryggjað bilin.