Fingu túsund krónur í bót

Tveir útlendingar, sum vórðu handtiknir í sambandi við springaradrápið í Hvalvík í farnu viku, hava fingið túsund krónur í bót í part fyri brot á grindalógina.

Teir fóru inn um girðingina, sum sýslumaðurin hevði sett, men gjørdu, sum skilst, ikki annað, sigur vaktleiðarin á løgreglustøðini í Havn.

Útlendingarnir, sum vóru evropearar, vórðu handtiknir mánakvøldið. Teir hava góðtikið bótina og eru ikki vístir av landinum, verður lagt afturat.