2021-05-05 14:43
Í sambandi við Umhvørvisvikuna hjá Tórshavnar kommunu verður evniskvøld um burturkast á Reinsarínum í kvøld kl. 19.
Á evniskvøldinum kemur eitt nú Døgg Durhuus at greiða frá zero Waste lívsstílinum. Seinastu fimm árini hevur hon nevniliga livað heldur øðrvísi enn tey flestu á tann hátt, at hon hevur nærum einki burturkast.
Skráin fyri kvøldið sær soleiðis út:
- "Skilir tú?". Fyrilestur við Beintu Højgaard Thomsen, Umhvørvisfólki á Kommunalu Brennistøðini.
- "5 ár uttan burturkast". Fyrilestur við Døgg Durhuus, sivilverkfrøðing.
- "Ábyrgd". Fyrilestur við Ingilín Strøm.
- Livandi tónleikur við Marius Ziska.
- Umhvørvisstuðulin verður latin, somuleiðis Grøna virðislønin frá Tórshavnar kommunu og Grøna gávan frá etika.
Vinarliga broyt tínar kennifíla - og privatlívsstillingar fyri at síggja hetta innihald