Enn sæst ólavsøkan ikki á koronutølunum

Enn er einki merkisvert at síggja til koronusmittu á ólavsøku. Í gjár vórðu tveir tilburðir staðfestir, og í báðum førum var smittukeldan kend.

Alsamt fleiri fólk gerast eisini frísk aftur. Seks fólk vórðu í gjár staðfest frísk aftur eftir at hava havt koronu, og sostatt kemur talið á smittaðum í løtuni niður á 34 fólk.

Talið á fólki í sóttarhaldi er farið úr 110 og niður í 89 fólk. Tveir persónar eru innlagdir við koronu, hetta talið var 1 í gjár.

1149 koronukanningar vórðu gjørdar í gjár.