2021-06-23 13:43
Í gjár varð eingin nýggjur smittutilburður staðfestur, vísa nýggjastu tølini hjá landslæknanum. Samstundis er ein persónur afturat staðfestur frískur.
Talið á smittaðum í løtuni er tó framvegis 13, tí at tveir smittutilburðir vórðu staðfestir fyrradagin og ikki ein, sum tað annars varð sagt í gjár, skrivar corona.fo.
Samlaða talið á persónum, sum eru staðfestir smittaðir við koronu í Føroyum, er 770. Av teimum eru 756 staðfestir frískir aftur. Ein persónur er deyður við koronu í Føroyum.
641 kanningar vórðu gjørdar seinasta samdøgrið, og tilsamans eru nú gjørdar 301.402 kanningar.
Vinarliga broyt tínar kennifíla - og privatlívsstillingar fyri at síggja hetta innihald