Í seinastu nýggjársrøðu sínari avdúkaði Margreta drotning, at hon ætlaði sær at vitja í Føroyum í summar, og nú hevur Løgmansskrivstovan fingið boð um, at drotningin kemur til Føroya, veit Kringvarpið at siga í morgun.
Í nýggjársrøðu sínari 31. desember 2020 segði drotningin soleiðis:
- Eg gleði meg aftur at síggja Føroyar - deiligu oyggjarnar og ærukæra fólkið í Norðuratlantshavi. Og eg gleði meg at síggja stóru menningina, sum er hend síðani seinastu vitjan mína í 2016.
Løgmaður verður vertur fyri drotningavitjanini, og tí verður biðið um eykajáttan til Løgmansskrivstovuna. Talan er um 700.000 krónur.
Vinarliga broyt tínar kennifíla - og privatlívsstillingar fyri at síggja hetta innihald