Drekkivatnið reint aftur í Kollafirði, á Oyrareingjum og í Signabø

Fyri hálvari aðru viku síðani varð boðað frá, at drekkivatnið í Kollafirði, á Oyrareingjum og í Signabø var dálkað vegna eitt tekniskt brek á vatnverkinum, og hevur verið heitt á borgarar í hesum bygdum um at kóka vatnið. Men nú er vatnið reint aftur.

Tórshavnar kommuna boðar í dag frá, at kókitilmælið er slept.

Drekkivatnskanningarnar, sum vórðu gjørdar í gjár, týsdagin 22. juni, vísa, at ongar bakteriur eru eftir í vatninum, skrivar kommunan.