Datt og breyt beinið í fjøllunum

Tað var beint eftir klokkan eitt í gjár, klokkan 13.13, sambært Vørn, at ein maður datt og fekk skaða í beinið í fjøllunum á Vágoynni. 

Persónurin var staddur omanfyri Klíningsgjógv - tað er ímillum Slættanes og Oyragjógv. 

Heimasíðan jn.fo skrivar, at boð vórðu send eftir bjargingartyrluni hjá Atlantsflogi. Tyrlan fekk mannin á Landssjúkrahúsið, og tað vísti seg, at hann hevði brotið beinið.

Frá tí at fráboðanin kom, til persónurin kom á sjúkrahúsið, gingu tað 52 minuttir, sambært upplýsingunum hjá Vørn.