Dagtilhaldið Sóljan fingið nýggj og snotilig hølir

Aftaná ein langan steðg, orsaka av tilmælunum í samband við koronusmittuna, vóru nógvir eldri borgarar í gjár komnir til hugnaløtu í Dagtilhaldinum Sóljan, sum er dagtilhald fyri allar heimabúgvandi fólkapensjónistar í Norðoyggjum. 

Kaffi, køkur, røður og sangur frá Unn og Jón Absalon Østerø settu ein heilt serligan dám á hugnaløtuna, sum varð tillagað umstøðunum og tilmælum frá Pál Weihe.

Annika Vágsheyg bjóðaði vælkomin og helt eina røðu, har hon millum annað. takkaði starvsfólkum, leiðsluni og stýrinum í NBH fyri, at hava ment og raðfest hetta tilboðið, har talið á vitjandi er vaksið sera nógv síðstu árini.

Til ber til at lesa alla røðuna og síggja fleiri myndir her

Eisini Jógvan Skorheim takkaði starvsfólkunum, sum dagliga virka fyri einum innihaldsríkum gerandisdegi fyri okkara eldru borgarum, og vónaði sjálvsagt, at tey fóru at trívast væl við nýggju umstøðurnar.

Marna E. Jensen, stjóri í NBH, rundaði av og segði m.a., at tað er gleðiligt, at NBH áhaldandi kann menna tilboð, sum eru fleksibul í mun til tørvin hjá borgarunum, og at nærveran í hesum tilboði fær hægstu raðfesting.

Klaksvíkar kommuna