Byrja at koppseta í Íslandi í dag

Í dag verður farið undir at koppseta teir fyrstu íslendingarnar. Fyrstu skamtirnir av koppsetingum frá Pfizer/BioNTech komu til Íslands í gjár, og nú er klárt at fara undir koppseting av eldri íslendingum og fólki, sum starvast innan heilsurøktina.

Klokkan 9 íslendska tíð verða tey fyrstu koppsett. Talan er um fýra starvsfólk hjá íslendska landslæknaembætinum.

Ein tíma seinni byrja koppsetingarnar á røktarheiminum Seljarhlíð. Í fyrstu sending til Íslands var heilivágur til at koppseta 5.000 fólk, skrivar ruv.is.