Síðst í apríl legði Búskaparráðið fram sína temafrágreiðing um starvsfólkatørvin á vælferðarøkinum næstu 10 árini.
Ein partur av frágreiðingin kundi geva ta fatan, at tørvur er á 89 starvsfólkum á barnamenningarøkinum í Tórshavnar kommunu í verandi løtu. Hetta er tó ikki rætt. Tað staðfestir nú fráfarna Búskaparráðið, ið hevur endurskoðað frágreiðingina - rættlisið og eftirkannað allar útrokningar sambært teimum givnu fortreytunum - og hevur týðandi rættingar gjørdar í partinum um barnamenning.
- Í sambandi við greiningarnar av barnamenningarøkinum hava fortreytirnar ikki kunnað verið grundarlag undir teimum niðurstøðum, ið stóðu í upprunaliga frágreiðingini. Verður tikið støði í tali av innskrivaðum børnum á stovnum, sum Tórshavnar kommuna hevur upplýst, er ikki tørvur á fleiri starvsfólkum.
Av hesari ørsøk er hetta tikið burtur úr frágreiðingini.
Frágreiðingin staðfesti, at stórur tørvur er á starvsfólki innan alt vælferðarøkið næstu tíggju árini. Eisini er tørvur á fólki at arbeiða innan barnamenning
- Tað er ógvuliga umráðandi, at allar niðurstøður verða gjørdar á røttum grundarlagi fyri at tryggja góðskuna á kjakinum. Tí velur Búskaparráðið eisini at gera vart við rættingarnar, ið eru gjørdar.
Uppgávurnar hjá Búskaparráðnum verða nú partur av arbeiðinum hjá nevndini í Landsbankanum.
Vinarliga broyt tínar kennifíla - og privatlívsstillingar fyri at síggja hetta innihald