Løgtingið varð kallað saman í dag, og, sum væntað, var uppskot til løgtingslóg um bráðfeingis játtanarlóg lagt fram í løgtinginum fyri løtu síðan. Einki annað uppskot varð lagt fram.
Samstundis varð skotið upp og samtykt at víkja frá øllum tíðarfreistum í tingskipanini. Jógvan á Lakjuni, tingformaður, segði í formanssessinum, at tað snúði seg um at fáa málið avgreitt í dag.
Fyrsta viðgerð varð hildin lítla løtu seinri. Eingin tók orðið, og málið varð beint í fíggjarnevndina.
Væntandi verður gjørt skjótt av á øllum viðgerðarstigum, soleiðis at bráðfeingis játtanarlógin verður liðugt viðgjørd á løgtingi í dag
Vinarliga broyt tínar kennifíla - og privatlívsstillingar fyri at síggja hetta innihald