Agnar Prestá
Eitt afturvendandi tiltak hjá dagstovninum í Klaksvík, Blákolluni, hevur verið at lata stuðul til Team Rynkeby í sambandi við fráferðina hjá rynkunum til París.
Klaksvíkar kommuna skrivar, at tey seinastu árini hava børn úr dagstovninum mála málningar. Hesir hava síðani hava verið latnir til eina uppboðssølu til frama fyri endamálið hjá Team Rynkeby.
Uppboðsølan, sum aftur í ár var partur av fráfaringarløtuni, varð væl móttikin. Børnini hava saman við starvsfólkum verið í bankanum við pengunum. Tey gjørdust ikki sørt bilsin og errin, tá ið tey hoyrdu, at tey høvdu samlað 10.323,50 kr.
Í Blákolluni siga tey, at bæði børn og foreldur taka væl undir hesum átaki.
- Børnini eru sera ágrýtin, og tey bíða spent eftir degnum, tá ið málningarnir verða sýndir fram í Virkishúsinum Smæran. Tilgongdin gevur eisini høvi til at umrøða góða endamálið og gleðina við at gera okkurt, sum er til gagns fyri onnur.
Vinarliga broyt tínar kennifíla - og privatlívsstillingar fyri at síggja hetta innihald