Tíðindaskriv
Í samband við at Tordis K. á Rógvi Biskopstø fer í barnsburðarfarloyvi í summar, hevur nevndin í Felagnum Tórshavn sett Anniku Lisberg sum virkandi stjóra í Visit Tórshavn frá 1. august 2025 til 1. septembur 2026.
Annika er í løtuni menningarfólk hjá Visit Tórshavn, har hon hevur starvast síðan 1. januar 2024. Annika hevur ein kandidat í ferðavinnu, umframt royndir úr matstovu- og hotellvinnuni í Danmark og Føroyum.
Felagið Tórshavn rekur Visit Tórshavn, og hevur fimm nevndarlimir. Tveir limir umboða Tórshavnar kommunu, og tríggir umboða vinnuna. Nevndarlimir í Felagnum eru Henny á Líknargøtu frá Smyril Line, forkvinna, Sóley H. Hammer frá Hugskotinum, næstforkvinna, Aleth Nielsen frá Gist & Vist, Herleif Hammer frá Tjóðsavninum og Eirik Suni Danielsen vegna Tórshavnar kommunu.
Vinarliga broyt tínar kennifíla - og privatlívsstillingar fyri at síggja hetta innihald