Afturkalling av cashewnøtasmøri hjá Irma

Coop Danmark afturkallar nú eitt partí av cashewnøtasmøri, eftir at Coop hevur funnið útav, at tað av misgáum er latið mandlusmør í nøkur av gløsunum, har cashewnøtasmør skuldi verið í.

Mandlur eru eitt allergen, og kunnu tær verða vandamiklar fyri borgarar, sum hava ovurviðkvæmi fyri mandlum. Mandlur eru ikki merktar á gløsunum.

Vøran er seld í føroyskum handlum, og Heilsufrøðiliga Starvsstovan mælir borgarum til at lata vøruna aftur, haðani hon er keypt ,ella at beina hana burtur.

Talan er um hesa vøru:

Irmas Økologiske Cashewnøddesmør
Vekt: 170 g
EAN-strikukota 5 71847441550