Aftur koyrandi til og úr Leirvík

Løgreglan boðar nú frá, at tað aftur er koyrandi gjøgnum Leirvíkstunnilin.

Heilt nógvir bilar hava bíðað í eina góða løtu nú seinnapartin fyri at koma ígjøgnum.

Tunnilin varð stongdur fyrr í dag, tí ein bilur misti nakað av sementi niður á vegabreytina. Sementdustið gjørdi, at sera ringt sýni var í tunnlinum.

Neyðugt varð tí at steingja tunnilin, so hann kundi spulast reinur.