2. jólakvøld var friðarligt í ár

2. jólakvøld í ár var heldur øðrvísi í mun til undanfarin ár. Stóra broytingin hevur verið upplatingartíðirnar hjá skeinkistøðunum, sum fram til fyrst í komandi ári skulu lata aftur klokkan 22.

Hetta sæst eisini aftur í náttarlívinum, tí talan hevur verið um eina stak friðarliga nátt, upplýsir løgreglan í morgun.

Løgreglan sigur seg tó hava fingið nakrar fráboðanir frá fólki, sum hava klagað um larm í einum grannalagi í høvuðsstaðnum í nátt.

Eisini varð ein persónur tikin fyri rúsdrekkakoyring í Norðurstreymoy, umframt at ein bilur varð stolin í miðbýnum í Havn.

Les eisini: Bilur stolin í Havn í nátt