Agnar Prestá
Sonevndu Epstein-skjølini halda á fram at fylla nógv í USA og aðrastaðni, og nú vísir Thomas Massie á, at amerikanska Løgmálaráðið hevur beint nøkur av Epstein-skjølunum burtur.
Hann er eitt av republikansku umboðunum í Umboðsmannatinginum, sum hevur sæð óviðgjørdu útgávuna.
Massie hevur verið við í arbeiðnum at fáa skjølini, um dømda brotsmannin og samband hansara við nógv ymisk fólk, almannakunngjørd.
Eftir at løgmálaráðið hevur sitið við tí, staðfestir Thomas Massie, at har eru "mistøk gjørd í handfaringini" - slík sum ikki mugu henda hjá løgmálaráðnum og slík sum ikki kunnu haldast goymd.
Higartil hevur "Departmant of Justice" (DOP) ikki svara atfinningum.
Fyrr í vikuni havue Massie eisini havt at Pam Bondi, løgmálaráðharra, fyri hennara viðgerð av Epstein-málinum.
Sí eisini: Undrast yvir hvørji nøvn eru fjald í Epstein-skjølunum
Hóast teir eru úr sama flokki, sita Thomas Massie og Donald Trump ikki væl um sátt - pent sagt. Umboðsmaðurin úr Kentucky og forsetin hava skotið eftir hvørjum øðrum áður í millum hesum málinum.
Tað hevur verið víst á, at millum annað navnið hjá Donald Trump er strikað ymsastaðni í skjølunum.
Vinarliga broyt tínar kennifíla - og privatlívsstillingar fyri at síggja hetta innihald